媽咪祝您30週快樂！

熙熙：

媽咪祝您30週快樂、身體健康！

媽咪現在的身體狀況呢？有時會呼吸困難，上落樓梯會出現呼吸急促症狀。因為肚子重，每晚睡覺時媽咪都要用很多被、枕頭墊在頭、腳、肚和肩下，有時睡得不好要翻來覆去，仲要一晚去幾次洗手間，又不是馬上再能熟睡，都幾煩架！

媽咪腰部就無痛，但肩部就有時會疼痛、牙齦有時會出血、早上起來腳和手都有些腫痛。熙熙：唔好話俾人知，媽咪有次被您爸爸引得大笑起來，險些出現尿失禁。不過書話是因子宮壓迫膀胱引致，是正常現象，分娩後會消失。

自從上次醫生話估計您出生時6磅10安士後，我就想，那麼乘下的2個多月您會重多4磅多，怎可能呀？後來從書中得知32週開始孕婦體重會快速增長，每1週0.5kg左右，剩下七週，胎兒將完成出生前三分一甚至一半以上的體重增加。 勁呀！熙熙努力呀！

前天到醫院覆診，姑娘教我摸您的頭仔，我覺得好有趣，回到家也教您爸爸，結果晚上爸爸還按著您的頭仔祈禱呢！不過...不知是否正確。哈！
昨天醫院打電話來話媽咪前天抽的血不合格，要下星期三再空肚抽多次檢查，希望無事啦！

熙熙您知道嗎？媽咪這幾天開始幫您洗定些衣物，發現驚人的數字：

口水肩：15條
手巾仔：40條
帽仔：12頂
大毛巾或包被：9條
手套仔：13對
襪仔：16對
長或短內衣：22件
外衣：14件
室內或外出嬰兒服：30件

爸爸唔好誤會呀！這些大部分都是熙熙兩位表姐的舊衣物，都很新淨的，是否很驚人呀？我想將來媽咪都不用為您的衣物而煩惱了！熙熙您真幸福！

剛才媽咪同您去超級市場買野，當我在看著一包楊桃，心想買不買好呢？好似好好味咁喎！不過好似好貴。您知唔知您作出了什麼舉動呀？您很大力地踢了我幾下，我問您：「想踢死媽咪咩？係唔係想食呀？好啦好啦！買啦！」跟著您便安靜下來了。下次唔好啦！如果下次又順您意的話，爸爸會話我架！

愛您的媽咪上