正宗"卡西B"

熙熙：

媽咪同爸爸上星期六看了私家醫生，媽咪足足重了36磅，醫生話到生應該再重多4磅，好恐怖呀！媽咪都未試過咁重，都不知生完能否減到懷孕前的磅數？

話說星期五晚我同您爸爸還打賭您多少磅，我想7星期前您先2磅多，現在應該4磅10安士，您爸爸就估您有4磅半左右啦！點知醫生話您有成5磅11安士重，到生應該有七磅到(很意外！)希望不會再重下去，因為很難生呀！本來媽咪都開始驚隨時會生，但醫生話我個肚仲咁高和她Check過我盤骨(內診)，跟住同我講，我應該不會早產喎！醫生又話"熙熙"您個頭仔已落了少許入盤骨(爸爸笑說卡住了頭仔..............正宗"卡西B")，常壓住下面，所以咁痛。都幾好呀！起馬知道多D情況，咁我都可以放心些，因為媽咪仲未做好心理準備隨時作動，又好似越想越多野未準備得好咁。

昨晚爸爸終於整好了張BB床！好大好靚是嗎？您打橫打直點睡都得。

媽咪這幾天都不太舒服，下面越來越痛，行好少時間已經好疲倦，前晚"熙熙"您仲動得好利害，令我更加不舒服，好似急不及待要出來咁，有時您不動我又想是否有什麼問題沒有？晚上也睡得不太好，醒了後常想還有什麼未準備好.............

有時都幾矛盾，話離預產期仲有23日，好似仲有好多時間咁，但又離37周足月仲有2日，又好似很快，很多未知數令我真有些不安﹐求主賜下平安，又讓我有足夠的信心去經過啦！

愛您的媽咪上