熙熙：
您大部分時間都很聽話，食飽便睡，只是有時換片或換衣時會大叫大哭，我想您比較害羞吧！哈哈！
媽咪現摸索怎樣照顧您會好些？例如何時不用餵夜奶？3小時定4小時餵一次好，因為每次都是好辛苦叫醒您，約餵一小時，到您真的醒了，我又迫您睡，到睡了不久，到三小時又要叫醒佢，您好似好慘咁！
媽咪仲未試過同您沖涼呀，我怕我隻手唔夠力足住您，又不懂用"陰力"，很擔心！您面上生了些"粒粒"，雖然小小的不太大粒，但我怕您似我皮膚！
我每次幫您掃風都覺得好難，這幾天還吐奶呢，可能飲的份量多了，又食唔切，開始時我很懶，由得您放張紙巾算，後來發現D奶有可能會流入耳中，唯有努力咁掃風啦，但多數掃很久都不成功！慘！
昨天發現您的大便好似好"水"和綠綠地咁，又看您的樣子很困難才排出來，都不知是否腹瀉或肚痛呢？碰巧我昨晨又肚瀉，畢太話您好有可能受我影響，因為我食什麼佢食什麼！好大壓力呀，媽咪又要介口下去？
愛您的媽咪上
No comments:
Post a Comment