體重的疑惑

熙熙：

上星期一爸媽咪帶您去看醫生，醫生咪話您輕磅既！不知是否媽咪照顧得你不好？餵人奶餵得不好？一連串的問題出現，剛好在這時又塞左喎！媽咪為了這件事都唔開心左一段時間，還想放棄餵人奶呢！

不同護士或人，都對餵人奶有不同講法。 例如：1. 有人話如果塞的話可以餵完時泵餘下的奶出來，那麼咪越泵越多咪仲塞？而且點先叫全泵出來？2. 又有人話熙熙食得前奶太多，咁咪不飽不生肉。但如何介定前奶同飽呢？(謢士話大便是黃色，每天有5-8次便正常) 3. 可以泵出來餵咁咪飽D，但您又不肯食奶瓶咁點算？(我試過好多次都餵不到) 4. 我常常塞了一些硬塊很痛，護士話是我緊張才出奶出得不好，不是塞。(要紅重發燒才算塞喎)咁即是點呀？

熙熙您話媽咪係咪好煩，我用甚麼方法餵好呢？？？補奶粉？泵出來餵？盡量餵長時間，但您又不肯食多些，好似好飽咁。您爸爸和姊妹們都安慰我，我見健康院話您體重每個月有0.5kg已達標。我想算了罷，不要介意您比別人輕，只要健康便算了。如果常同別人的BB比較真是好大壓力，而且您出生的而且確是比較輕，所以現在都O.K.啦！

至於晚上哭鬧的問題，我同爸爸商量後覺得都要訓練您自己睡，所以這兩晚都餵飽您換完片後，便比您自己睡，開始時您會激哭，我們會再抱下，再放落床，再哭一會，再抱一會，最後比您哭，我們回自己床睡。結果成功左，您到早上六點左右先睡醒叫我。

愛您的媽咪上