除了眼耳口鼻外，您還能指出頭、面、手、腳、肚腩的位置、自從看完一隻CD叫Head to toe後更常常做動作，不過時常停留在手同腳的位置。看相片，問您：「爸爸呢？」「媽咪呢？」「婆婆呢？」您都能指出。看圖書問您：「BB在那？」「狗狗呢？」您都知道。有時仲指住說：貓、Ball、車、BB、魚、花、船...很令人驚訝。不過問您「貓怎叫架？」「老虎點叫？」無論是什麼動物都是「嘩！嘩！」像怪獸咁叫！
最近還能跟我們說些詞彙，例如：「水黎架！」「唔啦！」，當然音調就不是太準啦。當我問：「好唔好？」或「得唔得？」或「知唔知」等的時候，會答到好、得、知...總之捉住最後一個字來答，好醒目。
最近我仲買了一隻玩具Bear給您玩，起初您不知怎玩，我便教您抱佢、錫佢、搖佢睡、同佢玩波、坐車車、餵食奶，怎料效果出其地好，您會抱佢同陪佢睡在地上，又傳波波給BearBear，看見BearBear識投球，仲表現驚訝的神情呢！但有時會突然放下地上踏同坐住BearBear，我便會扮BearBear哭訴。那麼又玩了一個愉快的晚上。
愛您的媽咪
No comments:
Post a Comment