好多嘢講喎！

熙熙：
過了兩歲，您會講很多說話。

以乘坐一程巴士為例：
(望住旁邊的嬸嬸)點解唔扣褸呀？扣番粒褸啦！
要食好多飯，咁就夠高！就大個妹妹架啦！(因為想扶住欄杆)
(望住欄杆)要扶住！唔係會跌架！跌落去好污穢。
(望住爸爸)爸爸呢？爸爸坐呢度！爸爸呢？爸爸坐呢度！(重複)
媽咪！我哋去邊呀？(去公園)....

又似管家婆又似多了一個媽咪咁：
1. 爸媽都在家，就要爸爸一定要坐在梳化的右邊，媽咪坐左邊，自己坐中間。
2. 見媽咪咳，忘記用手擋住，就學足我咁，一臉正經的教訓。仲叫媽咪要飲多些水，先無咳架！ 3. 又叫爸爸：飯飯、菜菜、肉肉都要食，要食好多。
4. 問爸爸：行得未先？(爸爸話未)咁點算先？

新年期間，熙熙的禱文加了新年的原素：求天父呢！比我哋有身體健康！龍馬精神！喜發財！
爸媽病期間：求天父呢！爸爸唔舒服要食藥藥，快高長大！媽咪又唔舒服！熙熙又唔舒服！啊們！

頂咀
媽咪：「唔可以咁架！」
熙熙：「我都無咁！小朋友都無！」
媽咪：(心想)關小朋友咩事呀？

愛您的媽咪






媽咪！我同個Pizza一樣咁圓架！