有文有路

熙熙：

您的早期數學不合格呀！要補課啦！特別是認識數量和數字。不過公平些您其實是知道綠色和三角形的，不過我們多教您英文讀法，所以中文您就好迷惑了。

到英文老師的評估，很不錯喎！





最近同您講野都幾有文有路喎！


例如：
媽：「明天放假，我們去那裡好呀？」
熙：「去迪士尼！」
媽：「但爸爸要上班，我們要等爸爸先再去啦！」
熙：「咁下次再去過啦！我哋番屋企先啦！」


媽：「熙熙鍾唔鍾意顏老師？」
熙：「鍾意！」
媽：「媽咪都鐘意熙熙啦！」
熙：「但係媽咪鐘意爸爸多D喎！」
媽：「您又知既？」


媽：「熙熙！老鼠最驚咩架？」
熙：「....？」
爸：「猫！」
媽：「咁熙熙最驚咩呀？」
熙：「媽咪！」
媽：「咁媽咪最驚咩呀？」
熙：「爸爸！」
媽：「咁爸爸最驚咩呀？」
熙：「熙熙！」


臨睡前，熙熙抱著我不放，我問為什麼呀？您回答：「因為瞓覺媽咪唔要熙熙！」又幾有道理喎，因為最近媽咪將您張床移離了我們的床。

愛您的媽咪