請病假

熙熙：

昨晚您突然發起燒來，本來媽咪發現唔到，因為您同平日沒兩樣，很精神很多說話，後來抱著您發覺很熱，才驚覺！今早起來好像有些熱便請了假去看醫生，怎料到診所郤沒有發燒。

媽咪想講的重點是，發一發燒，您又長大了！由早上起來您的口便不停說話，以下是一點節錄：

媽咪我要番學！....咁我睇完醫生先番學啦！...爸爸點解要番工既？....媽咪點解咁耐架？我等得好心急呀？...
去到升降機見到小朋友便說：「我唔舒服！」但一開門便一支箭咁跑出去，那人信您有病呢？

食過早餐，您幫我"找數"，剛好找回"1蚊"，您放在手裡說：「等我睇下係咪1字先！...媽咪您唔洗比我啦！我自己放入錢箱。」
回家路上，您跑到門前便向著我大叫：「快些呀！唔係夾死您！」
去到會所，您竟然識得開洗手間的門喎！仲同我講：「這邊洗手，唔該！這邊沒手，唔該！」

前晚您同爸爸講：「點解咁耐架？要唔要洗碗呀？明天要上班呀！」(噢！很老積！)
為bb祈禱：「天父求您比bb身體健康，有成長，多謝您！啊門！」(竟然識用"成長")

有時看著您，打從心裡想，如果bb能像您咁靈巧懂事就好了，不過我也要提醒自己每個孩子都不同，不要比較吧！

最近媽咪密密作了不同的安排，例如請工人同預備她來居住、請陪月、收拾家居移出更多空間、預備bb及產後的物品、安排您開學的適應、昨天就同您報名參加每星期一堂的英文及芭蕾舞班，雖然忙，但心裡都安定了不少，媽咪自問都是一個有預備的人，因很怕面對轉變同未知的未來，唯有現在做多少少，咪等bb出世才手忙腳亂啦！係咪！

愛您的媽咪