滿月前之大特寫2

12月4日

再到健康院，好彩有護士安慰我聆聆狀況都唔係太差，媽咪同醫生理論，我覺得體重精神尿片等都可以，所以不想補太多奶粉，也不想迫聆聆食奶。

面上開始長粒粒同頭泥。

12月5日

心情很差，覺得已經盡力，但體重都不大理想。腦中不斷想用什麼方法才最好呢？精神病！

開始會望住人，要傾計。

12月6日

決定不再到健康院，堅持用自己方法。家姐晚晚半夜三更走過來睡，一張床四個人，好迫！

12月7日

媽咪同陪月發現聆聆未滿月，頭仔已經可以抬高，仲很好奇地四處望。(當然是一兩下未夠力停留)

12月8日

決定改變策略，唔再理重量，唔再餵奶粉，好似家姐細個咁，全人奶，3小時一餐。因為家姐細個都達標，無理由聆聆唔可以架！

12月9日

聆聆好似食奶好咗，食得快咗，食一半..換條片..再食過..抱一會掃下風..再睡(過程一小時左右)，起碼我可以睡一個半鐘。

12月10日
聆聆日間多是食完就睡，但半夜就要玩我二、三粒鐘先肯睡，噢！

12月11日

睡醒的時間多了很多，有時未夠鐘便哭著要食奶。食完奶也未必要睡。

12月12日

今天我們為聆聆舉辦了"滿月酒"，請來很多親戚一同食飯。我們還買了蛋糕同熙熙家姐預早做生日。家姐好開心呀！

12月13日

終於滿月啦！

明天又要到健康院打針，唔知體重會點呢？