熙熙：
您近來好活潑喎，常常提我您的存在！有一晚，我同您爸爸一齊睡在床上，您又郁，跟住我叫您"熙熙！熙熙！"，您跟住有反應，好好笑，您爸爸又叫"熙熙！熙熙！.........但您一些反應都無，我於是又叫：熙熙！您又有反應，您知嗎？你傷害了爸爸弱少的心靈！下次唔好啦！
媽咪同爸爸上星期去了私家照超聲波，見到您是...................................."女仔"，哈！可以同2000姐個囡囡組成"Twins"！哈！
媽咪上星期照的時候，就118磅。比起未懷孕的時候重了大約十八磅左右啦，我覺得都O.K.。您其他都無什麼特別，好正常，醫生仲話您無兔唇呢！(因為王菲事件) 媽咪仲特別話比婆婆知，搬家俬無問題呢！
您的肚圍差不多有七寸，而今天媽咪又量度過肚圍是三十五寸，好勁呀！比起媽咪未懷孕的時候多了差不多十寸，而熙熙有七寸，用把尺圈起七寸同三十五寸，比較起來都幾好笑！
媽咪近來"下面"常常忍忍作痛，有時睡覺轉身都痛，問過醫生和姑娘，佢地話正常喎，因為您一天比一天大和重，會壓住下面的神經，但我都有少許擔心，因為有時覺得是由裡面痛出來，好似"經期咁"。所以有天特別地走去買了一條"托腹帶"，走了足足一個下午，因為太貴啦，吓吓都要三佰幾元。最後都俾我找到條一佰元左右，但不知是否心理作怪，總覺得沒大幫助。熙熙您要幫下媽咪唔好亂咁踏呀！
好啦！今日講住咁多先！
愛您的媽咪上
No comments:
Post a Comment